Nalusutan sang Minnesota Timberwolves ang 4th quarter comeback sang Dallas Mavericks sa nangin banggaan sang duha sa iskor nga 105 – 99.
Sa ika-tatlo nga quarter sang hampang, uyat sang Wolves ang 22 points nga abansa sa 90 – 68.
Apang naghimo naman sang 23 – 7 run ang Mavs kag gindala ang iskor sa 97 – 91, 3 minutos, 18 segundo antes matapos ang hampang.
Nagpadayon pa ang scoring surge sang Dalas tubtob sa duha ka minutos antes matapos ang hampang 3 ka puntos na lamang ang abanse sang Wolves, 99 – 96.
Nahimo naman ni Anthony Edwards nga mapasulod ang isa ka jumper antes matapos ang 1-min mark.
Ginsabat naman ini ni Dallas shooter Klay Thompson pinaagi sa isa ka 3-pointer kag gindala ang iskor sa 101 – 99, 50 segundo, antes matapos ang regulation.
Sa nangin transition, liwat nga ginsulod ni Edwards ang isa ka layup.
Bangud sini, wala na nakasabat ang Mavs sa pihak sang duha ka magkasunod nga 3-point attempt nanday Thompson kag Qentin Grimes.
Samtang, ginpangunahan naman ni Julius Randle ang kadalag-an sang Wolves gamit ang 23 points kag 10 rebounds samtag 26 points kag 8 ka rebound ang kontribusyon ni Edwards.
Sa nangin kadalag-an sang Mavericks, nagpakita sang abilidad si 1-time NBA Champion Kyrie Irving nga nagkamada sang 39 points samtang nalimitahan lamang sa 14 points ang kaangay guard nga si Luka Doncic sa 16 minutos nga ginpakita sini sa court.
