Malapit na nga magatakup ang World Wrestling Entertainment career ni John Cena.
Gin-anunsyar ini sang 16-time WWE Champion kag isa sa pinakasikat nga wrestling star sa kasaysayan.
Sa iya sorpresa nga pagpakita sa Scotiabank Arena sa tunga sang Money in the Bank event, ginpakita ni Cena ang signature towel nga nakasulat ang “The last time is now” nga natuhoy sa gin-anunsyo sini.
Diri na nya ginpahayag ang pagretiro sa WWE nga gilayon man nga ginkasubo sang mga tumalan-aw kag fans ni Cena.
Paathag sang WWE superstar, magapakigbahin pa ini sa Royal Rumble 2025 kag Elimination Chamber 2025.
Samtang, ang ulihi naman sini nga hampang sa ring amo ang sa WrestleMania 41 nga pagahiwaton sa Abril 19-20, 2025 sa Las Vegas.
Nagpasalamat naman si Cena sa tanan nga mga nagasuporta sa iya.
Nahibaluan nga kilala si John Cena sa catchphrase sini nga “you can’t see me.”
