Gin-anunsyo ni Yemen Presidential Leadership Council Chairman Rashad al-Alimi ang paglunsyar sang isa ka mayor nga operasyon militar agud kuhaon liwat ang mga teritoryo nga ginakontrol sang mga rebelde nga Houthi nga ginasuportahan sang Iran.
Samtang, ang Iranian Foreign Minister Abbas Araghchi nagpahayag nga wala sang military solution sa mga tensyon sa tunga sang Iran kag Amerika, bisan pa nga ang Tehran nagapabilin nga handa sa pagdepensa sang iya kaugalingon batok sa bisan ano nga pag-atake.
Suno sa UK Maritime Trade Operations (UKMTO), isa ka tanker ang naigo sa Strait of Hormuz, samtang ang isa pa ka sakayan sa baybayon sang Yemen nagreport sang serye sang mga paglupok sa malapit.
Sa Gaza, indi magnubo sa tatlo ka mga Palestinian ang ginreport nga napatay sa mga pag-atake sang mga pwersa sang Israel, lakip ang anum ka tuig nga si Suha Mohammed Nasser. Isa man ka lalaki ang ginreport nga napatay sa nabagatnan nga Syria.
