ROXAS CITY – Pilason ang isa ka indidwal matapos nga aksidente nga bumunggo ang iya motorsiklo sa center island sa bahin sang Brgy. Baybay Roxas City malapit sa isa ka mall.
Ginkilala ang driver kay Genaro Dordas, residente sang Brgy. Baybay sining syudad.
Suno sa report, samtang ginasubay ni Dordas ang dalanon nagikan sa Brgy. Tanque kag papuli na kuntani sang hinali na lamang nga nadulaan ini sang kontrol sa pagmaneho.
Mahibaluan nga sakay si Dordas sa iya motorsiklo nga Suzuki shooter nagaduag itom.
Bangud sa natabo, nag-angkon sang pilas sa iya nga agtang ang biktima kag maswerte na lamang nga nakita ini sang iya nga kakilala rason nga gilayon ini nga nagpanawag sang bulig agud madala sa ospital ang nasambit nga biktima.
Sa karon, padayon nga ginabulong si Dordas sa RMPH para sa nagakaigo nga pagbulong.
