ROXAS CITY – Igapatuman na sa Enero 2023 ang dugang nga 1% sa contribution rate sa mga miyembro sang Social Security System (SSS).
Ini ang ginkumpirmar ni Mr. Angelo Blancaver, Acting Vice President for SSS Western Visayas II sang mainterview sang Bombo Radyo.
Suno kay Blancaver, ang increase ang nakasaad sa Republic Act 11199 ukon Social Security of 2018 kun sa diin humalin 13% amat-amaton nga pataasan sang 1% ang contribution tubtob malab-ot ang target nga 15% sa tuig 2025.
Pahayag sini nga mas mataas na ang benefits nga makuha sang isa ka miyembro bangud nagtaas man ang salary bracket humalin sa P8,000 nangin P15,000 na ini samtang ang maximum bracket ang yara sa P30,000.
Sa pagkamatuod suno diri, ginpatuman na 3 years ago ang dugang nga mga benepisyo kaangay sang pag-expand sang maternity benefits, employed, kag unemployed benefits kun sa diin madamo sang nag-avail sa pagsugod sang panemdya bangud madamo sang empleyado nga nadulaan sang trabaho.
Bangud sa enhancement nagdugang man ang disbursement sang ahensya sa kapin P7-B gani kinahanglan na nga ipatuman ang increase bangud sandig ini sa layi.
