1 patay 1 pilason matapos mahit-and-run sang isa ka pick-up vehicle

ROXAS CITY – Isa patay, isa pilason matapos mabiktima sang hit-and-run sa Barangay Poblacion Ilaya, Dumarao, Capiz.

Ginkilala ang mga biktima nga sanday Jerfel Pagayon, 34 anyos sang Barangay Bungsuan, Dumarao kag Cristito Bedia, 48 anyos sang Barangay Poblacion Ilawod, Dumarao, Capiz.

Base sa inisyal nga impormasyon nga nakuha sang Bombo Radyo, nagalakat sa kilid sang karasa ang mga biktima sang nabungguan sang pick-up nga salakyan nga ginamaneho sang wala pa makilala nga driver.

Sa baylo nga mag-untat, padayon nga ginpadalagan sang driver ang salakyan nga may plate number 1301-01.

Gilayon nga gindala sa ospital ang mga biktima apang gindeklarar nga dead on arrival si Pagayon.

Padayon naman nga ginabulong karon sa ospital si Bedia.