-- ADVERTISEMENT --
ROXAS CITY – Patay ang isa ka trabahador kag pilason ang backrider sini matapos nga na-aksidente ang ila ginasakyan nga motorsiklo sa Barangay Tabuc Sur, Panit-an.
Nag-angkon sang patal nga pilas sa ulo ang driver sang motorsiklo nga si Erwin Guzman sang banwa sang Mambusao, Capiz samtang padayon nga ginabulong sa Roxas Memorial Provincial Hospital ang backrider nga si Alvin De Mateo 30-anyos sang Barangay Timpas, Panit-an nga nagsuprer sang pilas sa lawas.
Sa inisyal nga imbestigasyon sang Panit-an PNP nagaguwa nga gikan sa President Roxas ang mga biktima kag magapauli na.
Ginaalegar nga madasig ang pagpadalagan sang motorsiklo ni Guzman nga natumba kag naigo ang ulo sa matig-a nga bagay.
