ROXAS CITY – Isa ang patay duha ang pilason matapos nga mabunggu-anay ang isa ka auto kag tricycle sa Sitio Carmelite, Barangay Lawaan, Roxas City.
Pilas sa natuo nga tiil kag iban ng parte sang lawas ang naangkon sang napatay nga si Samuel Berlandino sang Sitio Patag, Lawaan, Roxas City, samtang padayon nga ginabulong sa ospital ang driver sang tricycle nga si Jose Igloria sang Barangay Culasi, Roxas City kag driver sang Hyudai accent nga salakyan nga si Eleazar Dile 54-anyos, isa ka seaman sang banwa sang Ivisan, Capiz nga lunsat nag-angkon sang mga pilas sa lawas.
Sa inisyal nga imbestigasyon sang Roxas City PNP, nagaguwa nga padulong sa Roxas City si Dile apang napiyungan samtang nagamaneho sang iya salakyan bangud nakainum.
Wala na natalupangdan ni Dile nga gin-agaw sini ang linya sang tricycle rason nga aksidente sila nga nagbunggu-anay.
Bangud sa impact nagdiretso ang tricycle kag nagbunggo ini sa poste sang electric cooperative.
