ROXAS CITY – Nagapabilin sa kustodiya sang Bantay Dagat – Pilar ang pila ka mga kagamitan sa pagpangisda gikan sa napulo (10) ka mga mangingisda nga nagapatigayon sang iligal nga pagpangisda sa baybayon sakop sang banwa sang Pilar.
Ginkilala ang mga gin-apprehend nga sanday Buenvenido Cos, 49 anyos; Jhon Rey Labenosa, 39 anyos; Ron-ron Batarino, 27 anyos; Danny Villarosa,52 anyos; Selverio Batarido, 34 anyos; Liopoldo Ombas, 35 anyos; Reynaldo Francisco, 36 anyos; Romy Tomonog, 35 anyos; Joven Loro, 37 anyos kag Makenly Ronm 47 anyos.
Sandig sa impormasyon nga nakuha sang Bombo Radyo Roxas sa Pilar Municipal Police Station, samtang nagapatigayon sang seaborne patrol ang mga katapo sang Bantay Dagat – Pilar kag mga kapulisan sang nasambit nga banwa sang nakita nila ang duha ka mga trawl nga mga bangka nga nagapatigayon sang iligal nga pagpangisda.
