Pilason ang isa ka 11-anyos nga bata nga lalaki sa Sunshine Subdivision, Barangay Banica, Roxas City matapos ma-igo sang palupok.
Ang biktima amo si Thope Sistoso, residente sang San Roque Street, Barangay Inzo Arnaldo, Roxas City.
Suno sa inisyal nga imbestigasyon, samtang yara ang bata sa nasambit nga lugar, may isa ka wala makilala nga palupok nga ginpahamtang sang indi matumod nga persona ang gulpi lang naglupok kag aksidente nga naigo sa iya wala nga mata.
Gilayon man nga gin dala ang biktima sa Roxas Memorial Provincial Hospital para dapatan sang pagbulong.
Sa subong nagapadayon ang imbestigasyon, nagapatigayon sang follow-up investigation ang Roxas City Police Station.
Nagpanawagan man ang natungdan sa publiko, labi na gid sa mga ginikanan, nga bantayan gid ang mga kabataan kag likawan ang paggamit sang palupok agud malikawan ang pareho nga insidente.
