Nagapangatubang sa karun ang 117 nga mga Pinoy nagikan sa Makati City Office sa mga kaso nga may kaangtanan sa Data Privacy Act matapos ma-raid sang Presidential Anti-Organized Crime Commission (PAOCC) ang mismo opisina sini.
Suno sa PAOCC, nahibaluan sang mga otoridad nga nagaserbi bilang hub para sa mga madamo nga lending application services ang opisina nga nagapangharass sa mga ginapahayag nagapang-utang diri.
Sa sulod sang 131 nga mga empleyado nga yara sa idalum sang PAOCC, 14 ang nagpasugot nga mangin testigo sa korte kag mangin witness sang mga nangin transaksyon sa sulod sang hub.
Bangud diri, ang 14 nga mga empleyado pagadulaon ang mga kaso nga ipasaka batuk sa ila samtang ang nabilin naman magapangatubang sa piskalya agud mahibaluan kung may yara sang pagasabton ang mga ini ukon wala.
Samtang, magapabilin naman sa kustodiya ang mga nadakpan kag pasakaan sang nagakaigo nga kaso samtang padayon naman ang PAOCC kag National Bureau of Investigation (NBI) sa imbestigasyon para sa mga posible nga koneksyon sini sa Philippine Offshore Gaming Operations (POGO).
