Nagapabilin nga stranded ang yara na sa 145 ka indibidwal sa 11 pantalan sa pungsod bangud sa epekto sang bagyong Nika.
Base sa monitoring sang Philippine Coast Guard (PCG) subong nga Martes, may kabug-usan nga 9 nga rolling cargoes ang stranded samtang 15 vessels kag 20 motorbancas naman ang temporaryo nga nagpanilong.
Sa nasambit nga numero, may 34 nga pasahero, truck drivers kag cargo helpers ang stranded sa Southern Tagalog samtang may 6 naman ka rolling cargoes ang ginkansela ang biyahe sa dagat.
Ang mga nabalhag nga stranded nga indibidwal kag cargoes sa Real Port, Calapan Port, Muelle Port, Valadero Bay, Romblon Port, San Agustin Port, Balanacan Port, Tingloy Port kag Wawa Port.
Sa Bicol region naman, 111 pasahero, truck drivers kag cargo helpers ang stranded samtang 3 naman ka rolling cargoes ang nagsuspendi danay sang biyahe sa may Calaguas island kag Pasacao port.
