ROXAS CITY – Natalana nga pasakaan sang panumbungon ang isa ka 19 anyos nga lalaki matapos nga nagbato sa mga otoridad sang ini ang ginsita sa Barangay Baybay, Roxas City.
Ang suspek ang ginkilala nga si Cyber Vargas, residente sang nasambit man nga lugar.
Base sa nakuha nga impormasyon sang Bombo Radyo, ginparahan ang suspek nga nagamaneho sang iya motorsiklo bangud wala ini sang suksok nga face mask kag nagalapas ini sa curfew hour.
Apang sa baylo mag-untat, ginpaburhot pa sang suspek ang iya motorsiklo rason nga ginlagas ini sang mga otoridad kag gilayon nga nadakpan.
Sa pagrekisa sa suspek, nakuhaan pa ini sang pitsikurno sang mga otoridad.
Natalana nga pasakaan ang suspek sang panumbungon nga Disobedience to Authority, paglapas sa curfew hour kag implementasyon sang pagsuksok sang face mask.
