Isa ka indibidwal, patay; 30 nagapabilin nga missing sa nagluntad nga landslide sa Cebu City

Isa na ang patay kag 30 pa ang nagapabilin nga missing matapos nga nagluntad ang landslide sa isa ka landfill sa Cebu City.

Kalabanan sa mga biktima ang mga trabahador sa isa ka materials recovery facility sa Barangay Binaliw.

Siyam ka tawo ang naluwas sang mga otoridad kag gindala na sila sa ospital.

Samtang, naakig naman ang mga himata sang mga biktima matapos wala ginpasulod sang mga gwardiya bangud rescuers lang ang ginpasulod.

Padayon pa ang rescue operations sang mga otoridad sa nasambit nga lugar.