2 ka balor vender nga nadakpan sa drug buybust ops, ginpasakaan na sang kaso

ROXAS CITY -Ginpasakaan na sang panumbongon ang magpakaisa nga balot vendor nga nadakpan sa ginkasa nga drug buybust operation sa Barangay Poblacion, Tapaz Capiz.

Suno sa Tapaz Municipal Police Station kaso nga paglapas sa R.A. 9165 ukon Comprehensive Dangerous Drugs Act of 2002 ang pagaatubangon sang mga drug suspect nga sanday Jerson Estim kag Jay-ar Estim nga lunsay mga residente sang Barangay Daan Banwa sang amo nga banwa.

Matandaan nga nakuha sa posesyon sang magpakaisa ang anum ka mga plastic sachets sang ginapatihan shabu, P1,000 nga buybust money, isa ka unit sang cellphone, isa ka unit sang motorsiklo kag wallet.

Sa karun nagapabilin sa karsel sang Tapaz Municipal Police Station ang nasambit nga mga drug suspect.