Dugang pa nga duha ka miyembro sang Kamara de Representantes ang nag-upod sa Lakas-Christian Muslim Democrats (Lakas-CMD), ang pinakadako nga partido sa Kongreso.
Mahibaluan nga ginpangunahan ni Speaker Ferdinand Martin G. Romualdez ang pagpanumpa nanday Representatives Joel Chua sang ikatlo nga distrito sang Maynila, kag Ed Christopher Go sang ika-duha nga distrito sang Isabela.
Sa pagsulod sang duha, naglab-ot na sa 102 ang numero sang mga miyembro sang Lakas-CMD sa Kamara.
Si Mrs. Soledad Go, ang misis ni Baguio City Rep. Mark Go nagpanumpa man bilang miyembro sang Lakas-CMD.
Suno kay Speaker Romualdez ang pagdamo sang mga miyembro sang Kamara, nagakahulugan lamang sang pagdamo nga suporta kay Pangulong Ferdinand “Bongbong” Marcos Jr.
Samtang, nagpanumpa man bilang miyembro sang Lakas-CMD sanday Mexico, Pampanga Mayor Redencio Gonzales, Vice Mayor Jonathan Pangan, kag Councilor Ma. Angela Pangan.
