Ginapadedeklarar nga ‘unconstitutional’ ukon may paglapas sa Saligang Batas ang Republic Act 12116 ukon General Appropriations Act (GAA) of 2025.
Sa petisyon nga gin-file sa Supreme Court nanday Davao Rep. Isidro Ungab, former Executive Secretary Vic Rodriguez kag iban pa, ginpahayag nga may pila suno diri ka paglapas ang pag-aprubar sa 2025 budget.
Partikular nga ila gintumod ang ginapahayag mga blangko nga items sa bicameral conference committee report sang spending plan.
Suno sa petitioners, makit-an sa Bicameral Committee Report ang pila ka blangko, partikular na ang budget allocations para sa National Irrigation Administration (NIA), Department of Agriculture (DA) kag Philippine Coconut Authority.
Apisar may gahom ang Bicameral Conference Committee nga tingubon ang bersiyon sang Senado kag sang Kamara, indi man sini mahimo nga amyendaran ang mga probisyon nga indi maathag nga ginasaad ang bersiyon nga dapat amyendaran.
Nanindugan man ang mga ini nga nag-angkon sang grave abuse of discretion ang bicam sang ginpirmahan ang committee report sa 2025 National Budget nga may blangko.
Nalapas man suno diri ang Konstitusyon sang mapaslawan ini nga hatagan ang sektor sang edukasyon sang pinakamataas nga budget allocation.
