Nagtuga sang kanselasyon kag diversion ang pila ka mga international flights ang nagalala nga tensyon sa Middle East.
Suno sa Civil Aviation Authority of the Philippines (CAAP), 23 ka mga international flights ang ginkanselar samtang tatlo naman ang gin-divert bangud sa safety concerns kag airspace restrictions humalin sang naglunsyar sang pag-atake ang US kag Israel sa Iran sang Sabado, Pebrero 28.
Lakip sa mga nagkanselar sang flights amo ang Cebu Pacific (2), Philippine Airlines (8), Qatar Airways (2), Gulf Air (1), Etihad Airways (4), kag Emirates (6).
Duha ka byahe sang Philippine Airlines kag isa ka byahe sang Qatar Airways ang gin-divert.
Suno kay CAAP Director General Retired Lt. Gen. Raul Del Rosario, proactive measures ang ginahimo sang ahensya santo sa mandu ni President Ferdinand Marcos Jr kag Transportation Secretary Giovanni Lopez agud masiguro ang safety sang mga pasahero kag crew.
Ginapanugyan man sa mga apektado nga pasahero nga makig-angot sa ila airline para sa rebooking, refund, kag updated nga impormasyon sa flight.
