ROXAS CITY | Patay ang 29-anyos nga lalaki, matapos nga nag-utas sang kaugalingon nga kabuhi sa Sitio Sacop, Barangay Culasi, Roxas City.
Ang indi na paghingadlan nga biktima ang isa ka laborer kag residente sang nasambit nga barangay.
Sandig sa Roxas City PNP, nga antes pa man natabo ang insidente nag-inom-inom pa ang biktima kaupod ang iya mga abyan kag pila ka himata sadtong gab-i sang Dominggo.
Apang, sang ini ang nahubog na nagsulod ang biktima sa iya hulot agud magtulog.
Kahapon sang Lunes, takna 6:30 sang aga, nasapwan nalang sang amay ang iya anak nga nag-utas na sang kaugalingon sini nga kabuhi, gani gindali-dali sang mga ini nga madala sa Roxas Memorial Provincial Hospital, apang, gindeklarar ini sang doktor nga patay na.
Nagapati naman ang pamilya nga wala sang foul play nga natabo sa nasambit nga insidente.
