3 ka mga sakayan pangisda naubon sa pagpanalasa sang buhawi

Roxas City – Naubon ang tatlo ka mga sakayan pandagat matapos nagpanalasa ang ginaalegar buhawi sa Barangay Libas, Roxas City.

Sa exclusive interview sang Bombo Radyo Roxas kay Rex Amancio ginpahayag sini nga yara siya sa tiangge sang nagpanalasa ang buhawi.

Personal nakita ni Amancio ang pagbunggo-bunggo sang mga sakayan bangud sa mabaskog nga hangin.

Nagapati ang mangingisda nga buhawi ang rason sang pagkaubon sang tatlo ka mga sakayan pangisda.

Ginpahayag ni Amancio nga ini ang una nga tion nga naka-eksperyensiya siya sang buhawi sa sulod sang 13 ka tuig nga pagtrabaho sini bilang mangingisda.