ROXAS CITY – Pilason ang tatlo ka indibidwal matapos nagbaliskad ang ginasakyan nga delivery truck sa Barangay Linateran, Panay, Capiz.
Ginkilala ang mga biktima nga sanday Igmedio Calinao, 51 anyos sang Barangay Baybay, Roxas City, driver sang nasambit nga trak, sakay sini nga saleswoman nga si Genilyn Espeja, 24 anyos, sang Barangay Lawaan kag helper nga si Jonathan Baranet, 41 anyos sang Barangay Baybay.
Mahibaluan nga padulong kuntani sa banwa sang Panay ang nasambit nga trak apang hinali na lamang nga naglupok ang unahan nga kariton sang salakyan rason nga nadulaan sang kontrol sa manibela si Calinao.
Bangud diri nagbaliskad ang trak nga nagresulta sa pag-angkon sang mga pilas sa lawas sang driver kag duha ka mga kaupdanan sini.
Gilayon naman nga gindapatan sang una nga pagbulong sang Capiz Emergency Response Team ang mga biktima.
