Naggradwar ang 30 ka mangunguma sa Roxas City sa Farmer-Level Farm Business School agud mapauswag ang ila kaalam kag ikasarang sa pagpanguma kag pagdumala sang negosyo.
Sa interview sang Bombo Radyo kay Mary Ann Baria, City Agriculturist sang Roxas City, iya ginpahayag nga nagdugay sang 16 ka semana ang training nga nagtudlo sa mga mangunguma kon paano mapauswag ang ila pagpanguma kag mangin mas maayo nga pagdumala sang ila mga produkto bilang negosyo.
Suno kay Baria, padayon nga gimonitor sang City Agriculture Office ang mga mangunguma nga nag-agi sa training agud masiguro nga ma-apply nila ang ila mga natun-an kag mapalapnag man ini sa iban nga mga mangunguma.
Dugang pa sang natungdan nga handa ang City Agriculture Office nga maghatag sang technical assistance sa 30 ka mga nag-gradwar agud mapalig-on pa ang ila mga abilidad, sa sa pagpanguma.
