Ginaprubahan na sang Asian Development Bank (ADB), ang USD30 million loan agud suportahan ang public-private partnership (PPP) projects sa pungsod.
Suno sa ADB, ang nasambit nga balor ang pagagamiton agud pahamtangan liwat ang Project Development and Monitoring Facility (PDMF) nga ginadumala sang Public–Private Partnership Center (PPPC) sang gobyerno.
Ang PDMF, isa ka revolving fund para sa pagpreparar nga gintanyag sa implementing agencies, procurement advisory, support services in preparation, structuring, development, probity management, kag tanan nga kinahanglanon nga trabaho agud mapatuman ang proyekto kag mag-uswag sa implementation work.
Pagagamiton man ang loan agud pabaskugon ang kapasidad sang implementing agencies kag local government units (LGUs) nga nagabug-os kag nagadumala sang mga proyekto.
Ini man agud suportahan ang kabug-usan nga 35 national kag local PPP projects nagikan sa 2025 tubtob 2029, kung sa diin ang tanan nga mga proyekto nagapaidalum sa climate risk screening kag management agud masiguro ang pagtadlong sa nationally determined contribution sang pungsod.
Sakop sang mga proyekto amu ang railways, roads, kag transport network improvements, subong man ang importansya sang community facilities, nga naga-amot sa pagpaayo sang kabuhi sang mga Pilipino.
Samtang, isa ka komprehensibo nga capacity building program sa pagtukod sang PPP projects ang himuon para sa PPPC, implementing agencies kag LGUs.
