33 anyos nga lalaki naghikog bangud ginbatyag ang pagkapatay sang iya lola

ROXAS CITY – Patay na sang nasapwan ang 33 anyos nga lalaki sa ginapahayag naghikog sa Sitio Pulos, Barangay Najus-an, Mambusao, Capiz.

Ginkilala ang biktima kay Jolito Lopez, 33 anyos, residente sang nasambit man nga lugar.

Base sa inisyal nga imbestigastin sang Mambusao Municipal Police Station, nakit-an na lamang sang iya iloy ang biktima nga nagabitay sa puno sang kahoy kag isa na ka mayami nga bangkay.

Kumbinsido naman ang himata sang biktima nga tuman nga ginbatyag ni Lopez ang pagtaliwan sang iya lola nga nahaya sa ila balay.

Mahibaluan nga naggamit sang malong ang biktima nga iya ginhigot sa iya liog kag ginlambitin ang iya kaugalingon sa puno sang kahoy.