359 ka mga bag-o nga mga kapulisan sa Rehiyon 6, opisyal nga nagtapos sa ila nga PRO6-Community Support Program

ROXAS CITY – Madinalag-on nga ginpatigayon ang closing ceremony sang kapin 359 ka mga kapulisan sang Police Regional Office 6 Community Support Program (CSP) training sa 3^rd Infantry Division Center sa Camp Macario Peralta, Jamindan, Capiz.

Ini matapos nga nakumpleto na nila ang tatlo ka bulan nga CSP training sa bulig man sang mga well-trained nga CSP instructors sa training school sang 3^rd Infantry Division.

Nagserbi nga dinapit nga bisita si PRO-6 Regional Director Police Brigadier General Rene Pamuspusan sa diin ginpanginbulahan sini ang bag-o lamang nagtapos nga mga kapulisan.

Ginpahayag ni Pamuspusan sa iya nangin mensahe nga kinahanglan mangin alerto ang mga kapulisan sa anuman nga sahi sang kalakasan kag mangin dedikado sa pagpabilin sang kalinong sa rehiyon.