37 anyos nga lalaki, nakuryente-patay sa banwa sang Dumalag

ROXAS CITY – Patay ang 37 anyos nga lalaki matapos nakuryente sa Barangay Concepcion, Dumalag, Capiz.

Ginkilala ang biktima kay Roque Villaran, residente sang nasambit man nga lugar.

Base sa imbestigasyon sang Dumalag Municipal Police Station, gikan ang biktima sa isa ka bubon nga may yara sang electric motor.

Ginapahayag nga nadanlog ang biktima bangud sa iya bitbit nga gallon sang tubig rason nga nakuryente ini kag nagtabog kag nagbunggo sa isa ka kahoy.

Gindala pa sa ospital ang biktima apang gindeklarar nga dead on arrival.