Naka-full alert status na ang Bureau of Fire Protection Dao Capiz para sa pag-obserbar sang Semana Santa.
Sa interview sang Bombo Radyo kay Fire Officer 1 Rogelio R. Singson Jr., Community Relations Officer sang Bureau of Fire Protection Dao Capiz, iya ginpahayag nga 24/7 naka-standby ang ila mga personnels sa posible may magluntad nga insidente.
Suno kay Singson, magapahamtang sila sang mga personels sa mga matawo nga lugar, kaangay sang terminals, establisyemento, mercado kag simbahan labi nagid kon mag-umpisa ang prosisyon.
Pahayag pa niya, padayon man ang pag-rekorida sang mga katapo sang BFP pinaagi sa pagpanagtag sang mga fire safety tips kapareho sang leaflets ukon flyers.
Nagpahanumdom man ang natungdan sa publiko nga huklaon ang pila ka mga nakasaksak nga appliances sa tion nga maglakat sa tagsa ka mga panimalay agud malikawan ang pagluntad sang sunog kadungan sang pag-obserbar ang Semana Santa.
