JAMINDAN, CAPIZ- Mabinungahon nga ginpatigayon ang 51st Founding Anniversary Celebration sang Spearhead Division, 3rd Infantry Division, Philippine Army sa Camp General Macario B. Peralta Jr., Jamindan, Capiz sang Mayo 30, 2025.
Sa interview sang Bombo Radyo kay Colonel Erwin Rommel Lamzon, Chief sang 3rd Division Public Affairs Office, ginpahayag nga ang nasambit nga kahiwatan ang naka sentro sa ‘heroism’ act sang mga katapo sang Philippine Army kun sa diin nakabaton sang award ang pila sa ila.
Dugang pa sini nga sa sulod sang lima ka dekada nila nga nagapangalagad sa rehiyon, proud nila nga pakigbahin ang madamo nga mga accomplishments nga ila napagkit.
Nahibaluan nga ang kahiwatan ang may tema nga “Matatag na Kaagapay ng mga Mamamayan ng Kanluran, Gitnang Visayas, at Negros Island para sa Bagong Pilipinas” kun sa diin ginpangunahan ni Lieutenant General Roy Galido, Commanding General sang Philippine Army ang nasambit nga kahiwatan kag nag-serbe bilang Guest of Honor and Speaker kun sa diin nagapasalamat ini sa tanan nga mga sektor nga nangin katuwang sang Philippine Army agud mahatagan sang katumanan ang ila mga programa sa komunidad kalakip na ang katuyuan nga mauntat ang insurhensya sa Rehiyon 6.
Samtang, suno pa kay Colonel Lamzon, nagpalab-ot man sang pagpasalamat si
Lieutenant General Roy Galido sa tanan nga miyembro sang ila hanay sa paghatag sang tanan nga oras kag dedikasyon agud mapabilin ang malinong nga komunidad.
