4 ka mga nadakpan sa serye sang buybust ops, lunsay nagpositibo sa drug test

ROXAS CITY – Nagpositibo sa drug test ang apat ka mga arestado sa serye sang buybust operation sang mga otoridad sa Roxas City kahapon nga adlaw.

Ini ang ginkumpirmar ni Plt.Col Aron Palomo sang mainterview sang Bombo Radyo.

Suno diri si Allan ‘Arsaf’ Detangco ang isa sa kagrupo ni Joan ‘Putol’ Jimenez nga nauna na nga nadakpan sang CIDG sa Barangay Talon kun sa diin mga suspek sa serye sang pagpanghold-up kag kinawatay nga nagakahinabo sa syudad sang Roxas.

Matandaan nga nadakpan man sanday Manuel Lopez Bason, 49-anyos, residente sang Brgy. Salocon, Panitan, Capiz, temporaryo nga nagapuyo sa Brgy. Dayao sining syudad, Ernie Vergara Arcangeles, 44-anyos kag residente sang Brgy. Tanque, Roxas City kag Earl Clovie Deanon Azares, 39-anyos.

Natalana nga pasakaan sang kaso nga paglapas sa RA 9165 “Comprehensive Dangerous Drugs Act of 2022”, ang mga arestado.

Sa karon, nagapabilin ini sa paghinakup sang Roxas City PNP para sa nagakaigo nga disposisyon.Bottom of Form