ROXAS CITY – Boluntaryo nga nagsungka sa Roxas City PNP ang isa ka 40-anyos nga lalaki matapos nga ginpapanaugan sang Bench warrant of arrest.
Ginkilala ang nagsungka kay Ferdinand Dorado Catalan, isa ka Auxillary guard kag residente sang Linampongan sa banwa sang Pontevedra.
Ang nasambit nga persona ang may kaso nga Reckless Imprudence Resulting in Physical Injuries.
Ang warrant of arrest ang ginpapanaog kag ginpirmahan ni Hon. Presiding Judge Christian Emmanuel G. Pimentel sang Metropolitan trial court sa National Capital Judicial Region, Branch 69, Pasig City, na petsahan Abril 3, 2019.
Ginrekomendar sang korte ang P3,000 nga pyansa para sa iya temporaryo nga kahilwayan. Sa karun, nagapabilin sa kustodiya sang Roxas City PNP ang nasambit nga akusado.
