400 ka mga personnel ang CPPO, nagpaidalom sa random drug test

Nagpaidalom sa random drug test ang Capiz Police Provincial Office (CPPO) sa mga kapulisan sa probinsya.

Sa interview sang Bombo Radyo kay Police Major Rachelle Garnica, Public Information Officer sang CPPO, iya ginpahayag nga kabahin ini sang mandatory drug testing program sang Philippine National Police (PNP) agud masiguro nga drug-free ang hanay sang mga kapulisan.

Suno kay Garnica, may yara sang mga 400 ka mga personnel ang CPPO ang nagpaidalom sa drug test.

Dugang pa sang natungdan, ginatinguhaan sang kapulisan nga antes matapos ang tuig, 100 percent ka mga personnel ang maka-undergo na sang mandatory drug test.

Sa subong, nagapadayon pa ang random drug testing sa mga kapulisan sa probinsya.