ROXAS CITY – Patay ang 43-anyos sang nga mister matapos nga ginluthang sang iya kaugalingon nga bayaw sa Barangay San Juan, Jamindan, Capiz.
Ginkilala ang biktima nga si Roberto Sonio sang Barangay Pasal-o, Jamindan, Capiz.
Base sa inisyal nga imbestigasyon sang Jamindan PNP nga nagkadto ang biktima sa balay sang suspek nga si Danilo Mauricio 45-anyos sang Barangay San Juan, Jamindan sa diin nag-angkon sang komprontahanay ang duha kag hinali na lamang nga nagkuha sang homemade shotgun ang suspek kag ginluthang ang biktima.
Bangud diri, nag-angkon sang pilas sa goya ang biktima kag gindala sa ospital apang ginbawian man sang kabuhi.
Samtang, nagapabilin naman nga at-large ang suspek matapos ang insidente.
Ginapatihan nga daan nga hiligut-anon ang motibo sa krimen.
