46-anyos lalaki nga nagabaligya sang pusil, dakop sa banwa sang Pontevedra

Dakop ang 46-anyos nga lalaki sa ginkasa nga buybust operation sang mga katapo sang kapulisan sa Barangay Sublangon, Pontevedra, Capiz.

Ginkilala ang nadakpan nga si alyas “Danilo”, residente sang Binuntocan, Pontevedra, Capiz.

Sa nakuha nga impormasyon sang Bombo Radyo nagikan sa Pontevedra PNP, natigayon nga nadakpan ang suspetsado pinaagi sa isa ka pulis nga nagpakuno-kuno nga buyer.

Nakuha sa paghinakop sini ang (1) ka homemade 5.56 revolver, tatlo ka mga bala, lakip na ang tatlo ka sachets sang ginapatihan iligal nga droga kag 4, 500 nga buybust money.

Kaso nga paglapas sa RA 10591 kag RA 9165 ang pagaatubangon ni Danilo.

Sa karon, yara na ini sa kustodiya sang Pontevedra MPS para sa nagakaigo nga disposisyon.