ROXAS CITY – Arestado ang 47-anyos nga lalaki matapos ginserbihan sang warrant of arrest sang kapulisan sa Brgy. Intampilan banwa sang Panitan.
Ginkilala ang arestado kay Leopoldo Bugar Dela Cruz, tricycle driver kag residente sang nasambit nga barangay.
Nagapangatubang sang kaso nga rape in relation to violence RA 7610 ukon Special Protection of Children Against Abuse, Exploitation and Discrimination Act ang nasambit nga arestado.
Ang warrant of arrest ang ginpapanaog kag ginpermahan ni Hon. Faustino Roxas Jr. Presiding Judge, Branch 14, Roxas City, napetsahan Abril 05, 2022.
Wala naman sang pyansa nga ginrekomendar ang korte para sa iya temporaryo nga kahilwayan. Sa karun, nagapabilin ini sa kustodiya sang Panitan PNP para sa nagakaigo nga disposisyon.
