ROXAS CITY – Pilason ang lima ka mga persona matapos nga nagbunggu-anay ang duha ka motorsiklo sa Barangay Sta. Fe, Pilar, Capiz.
Nag-angkon sang pilas sa lawas ang lima ka mga biktima kalakip na ang isa ka menor de edad nga sakay sang duha ka motorsiklo.
Sa imbestigasyon sang Pilar PNP nagaguwa nga nagapauli na ang driver sang motor nga si Joemer Castro sang Batad, Iloilo sakay ang duha ka mga backriders sang magpang-agaw sang linya sa kalsada ang driver sang isa ka motorsiklo nga ginkilala nga si Darwin Aganan sang Barangay San Nicolas, Pilar kag may yara man sang backrider.
Nahibaluan nga nag-overtake sa trak si Aganan apang malas nga nadulaan sang kontrol ang manubela sang iya nga motorsiklo kag nagbunggo ini sa nakasugata nga motorsiklo nga ginamaneho ni Castro.
