Indi magnubo sa 51 ka tawo ang napatay matapos nga naigo sang Israeli airstrike ang isa ka elementary girls’ school sa Minab, probinsya sang Hormozgan sa nabagatnan nga Iran, suno sa mga report sang state media.
Base sa Iranian state reports, may yara na sang masobra 40 ka kumpirmado nga casualties sa pag-atake nga ginapahayag isa ka “civilian target.”
Dugang pa, ginreport man sang Mehr News nga duha pa ka mga estudyante ang napatay sa isa ka separado nga airstrike sang Israel nga nag-igo sa isa ka eskwelahan sa Tehran.
Ang Al Jazeera nagreport nga ang pag-atake sa eskwelahan sang mga dalagita mahimo nga magtuga sang mas daku nga kontrobersiya sa mga pagpamomba sang Israel kag U.S.
Nagpasalig man si US President Donald Trump sang bulig para sa mga pumuluyo sang Iran, apang ang pagtaas sang numero sang mga sibilyan nga napatay ang posible i-claim sang gobyerno sang Iran bilang paglapas sa international law kag agresyon batuk sa ila pumuluyo.
Samtang, suno sa Ministry of Health and Medical Education sang Iran, linibo ka mga sibilyan ang napatay ukon napilasan kadungan sang pagkaguba sang pila ka pampubliko nga imprastraktura sa sulod sang 12 ka adlaw nga giyera sa tunga sang Amerika kag Israel batuk sa Iran sang Hunyo 2025.
