ROXAS CITY – Nagpaidalum sa 35-diyas nga Criminal Investigation Course (CIC) ang 56 ka mga katapu sang Capiz Police Provincial Office (CPPO) agud mas mapasanyog pa ang ila ihibalo sang mga imbestigador sa probinsiya.
Opisyal nga ginkumpirma ni PRO-6 Deputy Regional Director for Operation Senior Supt. Jesus Cambay ang CIC Class 529-2017 sa nasambit nga kahiwatan.
Ginpahanumdum pa ni provincial director Senior Supt Samuel Nacion ang tanan nga mga partisipante nga seryosohon ang nasambit nga kurso, bangud indi tanan nga pulis sa Capiz ang nahatagan sang kahigayunan nga makapaidalum sa investigation course nga ginapatigayon karon sa probinsiya.
Natigayon ang training pinaagi sa inisyatibo ni PRO-6 Regional Director Chief Supt. Cesar Hawthorne Binag nga tuyo mangin knowledgeable kag mahasa ang skills sang mga pulis pag-abot sa criminal investigation.
