57-anyos nga PWD emosyunal nga ginbaton ang bulig gikan sa Bombo Radyo

ROXAS CITY-Nangin-emosyonal ang 57-anyos nga PWD matapos nga nabaton ang groceries kag bugas nga ginhatag sang Bombo Radyo Roxas.

Kaupod ang BULIGAY KITA #5800 sa pagpanguna ni Ms. Jarette Sare kag Bombo Radyo Roxas, nahatagan sang groceries kag bugas si Mr. Charlie Casugbo nga isa na ka tuig nga naga-istar sa isa ka musoleo sa sulod sang Banica Public Cemetery.

Apisar nga nabudlayan nga maghambal si Casugbo, kita sa mga luha sini ang kalipay nga nabatyagan.

Sa tuman nga kagutom sini, gilayon man nga ginkaon ang tinapay nga kalakip sa grocery nga ginhatag sa iya.

Magluwas diri, ginatinguhaan man sang Bombo Radyo nga mahatagan sang balay si Casugbo.