7 ka mga persona nadakpan sa akto nga naga hampang sang tong-its kag pusoy sa banwa sang Pilar

ROXAS CITY -Arestado ang 7 ka mga indibidwal matapos nga nadakpan sa akto sang mga kapulisan nga nagpatigayon sang Ilegal nga sugal sa Sitio Kalubihan, Barangay Natividad Pilar Capiz.

Ginkilala ang mga arestado nga sanday Fanny Cuñada 58 anyos, Reynaldo Bacusa 76 anyos, Rubio Esmolo 59 anyos, Vanessa Bebita 32 anyos, Dio Arevalo 23 anyos, Alex Baclas 55 anyos, Nelia Maximo 55 anyos lunsay mga residente sang nasambit nga lugar.

Narekober sang kapulisan ang duha ka set sang baraha kag kwarta nga nagalab-ut sa P910.

Samtang nakahunong na sa karsel sang Pilar Municipal Police Station ang 7 ka mga arestado kag natalana nga pasakaan sang panumbongon sa paglapas sa P.D. 1602.