8 tuig nga bata natapakan sang trak, patay

ROXAS CITY – Patay ang walo ka tuig nga bata matapos aksidente nga matapakan sang trak nga may karga nga balas kag bato sa Sitio Man-it, Barangay Sto. Angel, Dumalag, Capiz.

Nahibaluan nga magahakot sang balas kag bato ang trak nga ginamaneho ni Eufrosiño Moreno Jr., 46 sang Barangay Mianay, Sigma, Capiz sang hinali nga magkabit sa trak ang menor de edad.

Posible nga nadanlog ini kag nadulaan sang balanse kag sang mahilog, natapakan sang goma sang trak.

Gindala pa sa ospital ang biktima apang gindeklara ini nga dead on arrival sang doktor.

Samtang nag-estorya na ang pamilya sang biktima kag ang tag-iya sang trak nga nagpromesa nga magabulig sa pagpalubong sa menor de edad.