80-anyos nga tigulang nasapwan nga patay sa banwa sang President Roxas

Kumbinsido ang pamilya sang 80-anyos nga babaye nga wala sang foul play sa kamatayon sang ila nga himata nga nasapwan nga patay sa ibabaw sang puno sang langka sa Barangay Goce, President Roxas, Capiz.

Ginkilala ang biktima nga si Salome Borre sang amo nga lugar.

Ba-se sa imbestigasyon sang kapulisan nga wala makapauli sa ila balay ang biktima sang nagligad nga Martes rason nga ginpangita ini sang iya pamilya.

Apang nakita na lamang ang lawas ni Borre nga nagasang-at sa puno sang langka.

Ginapatihan nga posible nagsaka ang biktima agud magkuha kuntani sang langka apang aksidente ini nga nakadanlog nga gintuna-an sang iya nga kamatayon.