9 tanan ka mga armas-luthang, nakumpiskar sang Capiz PPO sumugod sang nag-umpisa ang Comelec gun ban

ROXAS CITY – Naglab-ot sa siyam tanan ka mga armas luthang ang nakumpiskar sang Capiz Police Provincial Police Office sumugod sang nag-umpisa ang Comelec gun ban base sa data as of February 17, 2025.

Sa interview sang Bombo Radyo kay CPPO Provincial Director PLTCOL Albert Tapulao nakumpiskar ang amu nga mga armas-luthang pinaagi sa ginpatigayon nga 4 ka buybust operation kag 4 man ka ginserbihan sang warrant of arrest.

Suno pa kay Tapulao nga padayon ang ila operasyon batuk sa iligal nga paghupot sang armas-luthang kag subong man may kaangtanan sa implementasyon sang Comelec gun ban.

Ginpasalamatan man ni Tapulao ang mga force multiplier pinaagi sa bulig sang mga local government unit.