Indi lang balde ang ginapreparar sang mga pumuluyo kundi drum bilang preparasyon sa posible nga kakulangan sang suplay sang tubig bangud sang Super El Niño- PB Aragon

Nagapreparar na ang mga pumuluyo sang Barangay Cagay, Roxas City, sa posible nga kakulangan sang suplay sang tubig bangud sa posible epekto sang Super El Niño.

Sa interview sang Bombo Radyo kay Punong Barangay Arturo Aragon, iya ginpahayag nga indi lamang mga balde ang ginahanda sang mga pumuluyo kundi pati na mga drum agud may pagatipunan sang tubig.

Suno kay Aragon, ginasuportahan man nila ang programa nga nagapalig-on sang pagpanghanda sang mga pumuluyo sa posible nga kakulangan sang tubig.

Matandaan nga ginpaghanumdom ni President Ferdinand Marcos Jr., ang publiko nga magtipon sang tubig-ulan paagi sa pagbakal sang balde bilang preparasyon sa posible nga epekto sang Super El Niño.