Arestado ang isa ka lalaki matapos ginlabo ang iya kaupdanan sa ilimnan sa Sitio Pulos Ilaya, Barangay Balucuan, Sigma, Capiz.
Ang biktima amo si alyas Je, 22-anyos, samtang ang suspek naman amo si kay alyas Tin, 21-anyos, residente san nasambit nga barangay.
Sa interview sang Bombo Radyo kay Police Major Narciso V. Sables Jr., hepe sang Sigma Municipal Police Station, iya ginpahayag nga magkaupod nga naga-inom-inom ang biktima kag suspek kay may yara sang komosyon sang nagluntad sa tunga sang magtimbang nga bahin diri na kag ginlabo sang suspek sang makaduha ka beses ang biktima.
Suno kay Sables, gilayon naman nga gindala sa ospital ang biktima para sa nagakaigo nga pagbulong kag yara na ini sa estable nga kondisyon.
Samtang ang suspek naman ang yara na sa kustodiya sang Sigma Municipal Police Station para sa nagakaigo nga disposisyon.
