Ginpatigayon ang Provincial Development Council (PDC) Meeting sa pagpanguna ni Capiz Governor Fredenil Castro agud talakayon ang Supplemental Annual Investment Program (SAIP) sa tuig 2027.
Kabahin sa gintalakay sa meeting ang mga programa proyekto kag aktibidad, ilabi na ang pagpauswag sang imprastruktura kag pagpalig-on sang serbisyo publiko.
Sa interview sang Bombo Radyo Roxas kay Mac Arthur Valdemar, Municipal Administrator sang Jamindan, iya ginpahayag nga lakip sa gintalakay sa amo nga pagsinapol amo ang pagpakaayo sang mga dalanon, pagtukod sang mga multi-purpose building kag pagpauswag sang mga mayor nga dalanon nasambit nga banwa sang Jamindan.
Suno kay Valdemar, paagi sa pagpatuman sang mga proyekto, ginalauman nga mas mapaayo pa ang imprastruktura kag mapabakod ang paghatag sang serbisyo publiko.
Dugang pa sang natungdan, isa man sa mga ginatutukan sa amo nga pagsipol amo ang Capiz Medical Center agud mapauswag ang mga pasilidad kag serbisyo sa ikaayong lawas sang para sa mga pumuluyo.
