Serye sang mga kinawatay sa Barangay Lawaan sa Roxas City, gina-imbestigaran na

Ginaimbestigaran sang mga barangay officials sang Barangay Lawaan sa Roxas City ang serye sang mga kinawatay nga natabo sa ila lugar.

Sa interview sang Bombo Radyo kay Barangay Kagawad Glen Hervias, iya ginpahayag nga ginatutukan na nila ang mga tikang nga himuon agud mapabakod pa ang seguridad sa barangay agud malikawan ang kinawatay.

Suno kay Hervias, may pila na ka insidente sang kinawatay nga ginreport sa ila barangay.

Nagpanawagan man ini sa mga pumuluyo nga magreport gilayon sa mga opisyal sang barangay ukon sa otoridad kon may makita nga kahina-hinala nga tawo ukon aktibidad sa ila palibot.