Ginpangunahan ni President Ferdinand Marcos Jr. ang Joint National and Regional Peace and Order Council (NPOC-RPOC) Meeting para sa ikaduha nga semester sang 2026 agud talakayon ang mga tikang para mapadayon ang kalinong kag seguridad sa pungsod.
Ginmandu sang Presidente ang mga nagakaigo nga ahensya sang gobyerno kag mga local government unit nga pabaskugon ang seguridad sa mga eskwelahan kag magpatuman sang maathag nga proseso sa pagreport kag pagsabat sa bullying, problema kag mga emerhensya.
Ginpangabay man ni Marcos nga tun-an ang eksperyensya sang iban nga mga pungsod sa pag-regulate sang paggamit sang social media sang mga kabataan.
Samtang, ginreport nga may kabug-usan nga 55,375 ka persons deprived of liberty (PDLs) ukon mga priso ang nakaguwa sa prisuhan halin Enero tubtob Setyembre 2026 paagi sa mga serbisyong paralegal.
Gintalakay man ang pagpadamo sang presensya sang pulis sa mga komunidad, pagpadali sang pagsabat sa mga emerhensya kag pagpaayo sang mga tikang kontra krimen agud maprotektahan ang publiko kag mapadayon ang kalinong sa pungsod.
