Ginkadismaya sang Bayan Panay ang ginakabig sini nga kakulangan sa pagtugon sang gobyerno sa epekto sang Super El Niño sa nagkalain-lain nga sektor sang pungsod, ilabi na sa mga mangunguma.
Sa interview sang Bombo Radyo kay Elmer Forro, Secretary General sang Bayan Panay, iya ginpahayag nga kulang ang paghatag sang bulig sa mga sektor nga apektado sang Super El Niño.
Suno kay Forro, nagapakita ini sang kakulangan sa preparasyon sang gobyerno, nga nagadugang sa kabudlayan nga ginapangatubang sang mga mangunguma kag iban pa nga sektor.
Dugang pa sini, kinahanglan nga maglaan sang gobyerno sang bastante nga pondo para sa mga mangunguma nga apektado sang malawig nga init kag kakulang sang tubig.
Nagpanawagan man ini sa gobyerno nga magpatuman sang malawig nga plano kag husto nga preparasyon, sa baylo nga magsalig lamang sa temporaryo nga mga solusyon ukon band-aid solutions sa pag-atubang sang epekto sang Super El Niño.
