Arestado ang isa ka lalaki sa ginpatigayon nga drug buy-bust operation sa Barangay Punta Tabuc, Roxas City.
Ang arestado amo si sa alyas nga John, 23-anyos, kag residente sang Barangay Banica, Roxas City.
Sa interview sang Bombo Radyo kay Punong Barangay Nestor Buenviaje, iya ginpahayag nga masami nga nagatambay sa ila barangay ang nasambit nga lalaki.
Suno kay Buenviaje, narekober sa paghinakop sang subject person ang duha ka plastic sachet sang suspected shabu kag isa ka armas luthang.
Sa subong, detained na ang suspek sa Roxas Component City Police Station kag magapangatubang sang kaso sa paglapas sa Republic Act 10591 ukon Comprehensive Firearms and Ammunition Regulation Act, kag Republic Act 9165 ukon Comprehensive Dangerous Drugs Act of 2002.
