Nagpanawagan si Mamamayang Liberal Party-list Rep. Leila de Lima kag Akbayan Party-list Rep. Chel Diokno sang mas istrikto nga transparency kag accountability sa paggamit sang pundo sang publiko kasunod sang desisyon sang Korte Suprema (SC) nga nagtalana sang limitasyon sa unprogrammed appropriations.
Bilang co-petitioner sa isa sa mga kaso nga gin-consolidate sang SC, ginpahayag ni De Lima nga bisan luyag nila lubos nga i-annul ang UA, isa ka importante nga tikang para sa Korte nga magbutang sang maathag nga konstitusyonal nga limitasyon agud malikawan ang pag-abuso sa pundo sang publiko.
Ginhatagan man niya sing importansya nga ang doctrine of operatives fact indi dapat magserbe nga proteksyon batok sa liability para sa mga mapamatud-an nga naghulag nga may malain nga tuyo.
Samtang, ginpanindugan ni Diokno nga ang mga prayoridad nga proyekto ang dapat makilala sing maathag kag pondohan sa baylo nga ibutang ini sa UA, sa diin mahimo ini nga mabiktima sang pagpang-abuso kag korapsyon.
Nagpanawagan man ini sa Senado kag Kamara nga siguraduhon nga ang 2027 national budget nagasunod sa desisyon sang SC, halin sa nabilin nga deliberasyon tubtob sa bicameral conference committee.
Lunsay nagpanindugan ang duha ka mamalidha sa kinahanglanon nga dulaon ang pork barrel kag siguraduhon nga magamit ang national budget para sa kaayuhan sang pumuluyong Pilipino.
